click on book to show pdf

تجلیات نبوت(نیو ایڈیشن)

سیرت نبویؐ انتہائی پاکیزہ اور بلند پایہ موضوع ہے۔ یہی وجہ ہے کہ ابتدائے اسلام سے آج تک اس موضوع پر لکھنے لکھانے اور پڑھنے پڑھانے کا بڑا اہتمام ہوتا آیا ہے۔ حتیٰ کہ آپؐ کی ذات گرامی کو یہ استثناء حاصل ہے کہ آپ کی حٰات مقدسہ اور خدمات جلیلہ کے تذکرے کو کم […]

  • مولوی صفی الرحمن مبارکپوری
  • دار السلام سعودی عرب
تجلیات نبوت(نیو ایڈیشن)
Rate this post
تجلیات نبوت(نیو ایڈیشن)
اس کتاب کے بارے میں
  • جائزہ

    سیرت نبویؐ انتہائی پاکیزہ اور بلند پایہ موضوع ہے۔ یہی وجہ ہے کہ ابتدائے اسلام سے آج تک اس موضوع پر لکھنے لکھانے اور پڑھنے پڑھانے کا بڑا اہتمام ہوتا آیا ہے۔ حتیٰ کہ آپؐ کی ذات گرامی کو یہ استثناء حاصل ہے کہ آپ کی حٰات مقدسہ اور خدمات جلیلہ کے تذکرے کو کم و بیش پانچ لاکھ سوانح نگاروں نے کسی نہ کسی شکل میں محفوظ کر رکھا ہے۔ کیونکہ یہ کام گہرے ایمان و محبت اور والہانہ جذبۂ فنا و فدائیت کا نتیجہ ہے مگر ہوتا یہ رہا ہے کہ عموماً اس موضوع پر لکھتے ہوئے اصولِ سیرت پر مرتب شرائط و ضوابط کا اہتمام نہیں کیا جاتا بلکہ جو چیز افکار و خیالات اور جذبات و احساسات کی نظر میں جچ جاتی ہے اس کو داخلِ کتاب کر لیا جاتا ہے۔ زیر نظر کتاب ماضی قریب کے عظیم سیرت نگار مولانا صفی الرحمٰن مبارک پوری کی تصنیف لطیف ہے۔ آپ کو یہ سعادت حاصل ہے کہ آپ کی کتاب ’’الرحیق المختوم‘‘ کو رابطہ عالمِ اسلامی کے تحت منعقد ہونے والے بین الاقوامی انعامی مقابلہ سیرت نگاری میں اوّلیت کا شرف حاصل ہے۔ تجلیات نبوت، درأصل دینی مدارس، ہائی سکولوں کے طلبہ اور عامہ المسلمین کے استفادے کیلئے ایک متوسط بلکہ قدرے مختصر کتاب ہے۔ اس کتاب میں قابل مصنف کے اصولِ سیرت نگاری پر مرتب شرائط و ضوابط کو کما حقہ مدّ نظر رکھا ہے۔ سیرت کے تمام تر وقائع کو نئی ترتیب اور تازہ اسلوب کے ساتھ پیش کیا ہے اور واقعاتِ سیرت کی صحت میں مصنف نے مستند ماخذوں تک رسائی حاصل کیا ہے اور اس تلاش و جستجو کا یہ نتیجہ ہے کہ ان کے ہاں اصولِ دین سے متصادم کوئی واقعہ نہیں ملتا۔ سیرت نگاری کے اس فن میں صحتِ واقعات کی تلاش میں یہ اختیار اور ضبطِ لائق تحسین ہے۔ اس پر مستزاد یہ کہ واقعات کی تخریج و تصحیح اور ممتاز سکالر محسن فارانی کے پیش کردہ جدید و قدیم نقشوں نے اس کتاب کے حسن کو دوبالا کر دیا ہے۔ ادارہ دار السلام بھی لائق مبارکباد ہے کہ اس نے اس کتاب دلکش کی طباعت و اشاعت میں کوئی کسر نہیں چھوڑی۔

  • تفصیلات
    • مولوی صفی الرحمن مبارکپوری
    • دار السلام سعودی عرب
  • جائزے